ദമാം; സൗദിയില്‍ മൊബൈല്‍ ഫോണ്‍ പൊട്ടിത്തെറിച്ച് കൊടുങ്ങല്ലൂര്‍ സ്വദേശി രക്ഷപ്പെട്ടത് തലനാരിഴയ്ക്ക്. സൗദിയിലെ കിഴക്കന്‍ പ്രവിശ്യാ നഗരമായ ജുബൈലായിരുന്നു അപകടം. തൃശൂര്‍ കൊടുങ്ങല്ലൂര്‍ സ്വദേശി എ.എസ്.സജീര്‍ പരുക്കേല്‍ക്കാതെ അദ്ഭുതകരമായി രക്ഷപ്പെട്ടു. സജീറിന്റെ സാംസങ് എസ് 6 എഡ്ജ് പ്ലസ് മൊബൈല്‍ ആണ് പൊട്ടിത്തെറിച്ചത്. മൊബൈല്‍ അമിതമായി ചൂടാകുന്നത് ശ്രദ്ധയില്‍പ്പെട്ടതോടെ അല്‍പ്പം അകലേയ്ക്ക് മാറ്റി വച്ചതിനാല്‍ വന്‍ അപകടം ഒഴിവായതായി അദ്ദേഹം പറഞ്ഞു.

കഴിഞ്ഞ ദിവസങ്ങളില്‍ മൊബൈല്‍ ഫോണ്‍ ഒന്നു രണ്ടു തവണ നിലത്ത് വീണതയി ഷജീര്‍ പറയുന്നു. എല്ലാം നേരിട്ട് കണ്ടതിനാല്‍ വന്‍ ദുരന്തം ഒഴിവായി. ഉറങ്ങുന്ന സമയത്തോ വാഹനത്തിലോ ആയിരുന്നെങ്കില്‍ വന്‍ അപകടം സംഭവിച്ചേനെയെന്നും അദ്ദേഹം പറഞ്ഞു. വ്യവസായ നഗരമായ ജുബൈലിലെ ഒരു സ്വകാര്യ കമ്പനിയില്‍ പ്രൊജക്ട് എന്‍ജീയനറാണ് സജീര്‍.

ശനിയാഴ്ച ജോലി കഴിഞ്ഞ് താമസ സ്ഥലത്ത് നിന്ന് പുറത്തിറങ്ങിയപ്പോഴാണ് ഫോണ്‍ അസാധാരണമായി ചൂടാകുന്നത് ശ്രദ്ധയില്‍ പെട്ടത്. ഇന്റര്‍നെറ്റ് ഓണ്‍ ആയതിനാല്‍ ആകും ചൂടാകുന്നതെന്ന് കരുതി ഉടന്‍ നെറ്റ് ഓഫ് ചെയ്തു. എന്നാല്‍ വീണ്ടും ചൂട് കൂടുന്നതായി അനുഭവപ്പെട്ടതിനെ തുടര്‍ന്ന് ഫോണ്‍ സ്വിച്ച് ഓഫ് ചെയ്തു വച്ചു. കൈയില്‍ പിടിക്കാനുള്ള പേടി കാരണം സാധനങ്ങള്‍ വാങ്ങാന്‍ കയറിയ കടയിലെ ടേബിളില്‍ വയ്ക്കുകയായിരുന്നു. അല്‍പ സമയത്തിനകം ഫോണ്‍ പുകയുകയും തീപിടിക്കാന്‍ തുടങ്ങുകയും ചെയ്തു. ഇത് കണ്ട ഉടനെ ഫോണ്‍ കടയില്‍ നിന്ന് പുറത്തേയ്ക്ക് എറിയുകയായിരുന്നു.

കേരളതീരത്ത് ശ്രീലങ്കയില്‍ നിന്നുള്ള തീവ്രവാദികള്‍ ബോട്ട് മാര്‍ഗമെത്തുമെന്നുള്ള രഹസ്യാന്വേഷണ വിഭാഗത്തിന്റെ മുന്നറിയിപ്പിനെ തുടര്‍ന്ന് കൊടുങ്ങല്ലൂര്‍ തീരമേഖലയില്‍ സുരക്ഷ ശക്തമാക്കി. ശ്രീലങ്കയില്‍ നിന്നും സംശയാസ്പദമായ സാഹചര്യത്തില്‍ ഐ എസ് തീവ്രവാദികളുടെ ബോട്ട് ലക്ഷ്വദ്വീപ് മിനിക്കോയി ലക്ഷ്യം വച്ച് പുറപ്പെട്ടതായാണ് രഹസ്യാന്വേഷണ വിഭാഗം മുന്നറിയിപ്പ് നല്‍കത്. ഇതിനെ തുടര്‍ന്ന് സംസ്ഥാനത്തെ കൊടുങ്ങല്ലൂരുള്‍പ്പെടെയുള്ള തിരദേശത്ത് ജാഗ്രതാ കര്‍ശനമാക്കി. കടലോര ജാഗ്രതാ സമിതികള്‍ക്കും മത്സ്യതൊഴിലാളികള്‍ക്കും അജ്ഞാതമായ ബോട്ടിനെ കുറിച്ച് വിവരം ലഭിച്ചാന്‍ തീരദേശ സേനയെ അറിയ്ക്കണമെന്ന് നിര്‍ദ്ദേശം നല്‍കി കഴിഞ്ഞു.

കൊടുങ്ങല്ലൂര്‍: കൊടുങ്ങല്ലൂര്‍ കയ്പമംഗലം മണ്ഡലങ്ങളിലെ യുഡിഎഫ് മുന്നേറ്റത്തിന് കരുത്ത് പകര്‍ന്നത് ഇരുമണ്ഡലങ്ങളിലേയും ന്യൂനപക്ഷ വോട്ടുകള്‍. മോദിക്കെതിരായ നിലപാടെടുക്കാന്‍ കോണ്‍ഗ്രസ് സ്ഥാനാര്‍ത്ഥികള്‍ക്ക് പിന്തുണ നല്‍കിയ ജമാഅത്ത് ഇസ്ലാമിയുടെ പരസ്യപിന്തുണയും മണ്ഡലങ്ങളില്‍ കോണ്‍ഗ്രസ് സ്ഥാനാര്‍ത്ഥിയ്ക്ക് ഗുണകരമായി.മുസ്ലീം ലീഗിന് ശക്തമായ സ്വാധീനമുള്ള കയ്മംഗലം മണ്ഡലത്തില്‍ ലീഗ് നടത്തിയ ചിട്ടയായപ്രവര്‍ത്തനങ്ങളും കുടുംബയോഗങ്ങളും ഇടതുമുന്നണിയ്‌ക്കൊപ്പം നിന്ന കേന്ദ്രങ്ങളെ ബെന്നി ബെഹനാന് അനുകൂലമാക്കുന്നതില്‍ മുഖ്യപങ്ക് വഹിച്ചു.

എറിയാട് മുതല്‍ കയ്പമംഗലംവരെയുള്ള തീരദേശമണ്ഡലത്തില്‍ ജമാഅത്ത് ഇസ്ലാമിയ്ക്ക് കാര്യമായി കേഡര്‍മാരുള്ള മേഖലയാണ് ഈ മണ്ഡലത്തില്‍ ജമാഅത്ത് ഇസ്ലാമിയും അവരുടെ രാഷ്ട്രീയപാര്‍ട്ടിയായ വെല്‍പാര്‍ട്ടിയും നല്‍കിയ പരസ്യ പിന്തുണയും മുസ്ലീം മേഖലകളില്‍ നടത്തിയ പ്രവര്‍ത്തനങ്ങളും കാര്യമായി പ്രതിഫലിച്ചിട്ടുണ്ട്. പരമ്പരാഗതമായി ഈ മണ്ഡലങ്ങളിലെ മുസ്ലീം ഭൂരിപക്ഷവും ഇടതുപാാര്‍ട്ടികള്‍ക്കൊപ്പമായിരുന്നു. ഈ തിരഞ്ഞെടുപ്പില്‍ ഈ മേഖലയില്‍ കാര്യമായ വിള്ളലാണ് ഉണ്ടായിട്ടുള്ളത്. വെല്‍ഫെയര്‍ പാര്‍ട്ടിയുടെ വോട്ടെണ്ണത്തെക്കാളുപരി ന്യൂനപക്ഷ സമുദായത്തിനിടയ്ക്ക് നട്ടത്തിയ പ്രചരണങ്ങളാണ് യുഡിഎഫിന് കാര്യമായ നേട്ടമുണ്ടാക്കിയത്.

കാരയിലെ തോമസ് മാസ്റ്ററേയും ടി എന്‍ ജോയിയേയും ഖബറടക്കുന്നതുമായി ബന്ധപ്പെട്ട വിവാദങ്ങളില്‍ ഇരു മണ്ഡലങ്ങളിലേയും ഇടതു എംഎല്‍എ മാര്‍ക്കെതിരെ മുസ്ലീം കുടുംബങ്ങളില്‍ കാര്യമായ പ്രതിഷേധം പടര്‍ന്നിരുന്നു. തിരഞ്ഞെടുപ്പ് വേളയില്‍ ഇക്കാര്യങ്ങളും യുഡിഎഫിലെ ചില ഘടകകക്ഷികള്‍ പ്രചരണായുധമാക്കിയിരുന്നു. എസ് ഡി പി ഐ സ്ഥാനാര്‍ത്ഥി മത്സരിച്ചിരുന്നെങ്കിലും കാര്യമായ പ്രചരണമുണ്ടായിരുന്നില്ല. കോണ്‍ഗ്രസ് സ്ഥാനാര്‍ത്ഥിക്ക് പിന്തുണം നല്‍കുന്ന നിലപാടാണ് എസ് ഡി പി ഐയും പോപ്പുലര്‍ഫ്രണ്ടും സ്വകീരിച്ചത്.